Рехабилитација и проширување на канализационата мрежа во општина Кичево
NEAR/SKP/2020/EA-OP/0028-12-3723/1
Општата цел на проектот е да се подобри инфраструктурата за собирање комунални отпадни води во согласност со Директивата 91/271/ЕЕЗ и националното законодавство.
Проектот предвидува мерки за надградба на постоечкиот систем, што би придонело за следново:
- подобрени хигиенски стандарди за населението;
- помалку проблеми во одржувањето на канализациониот систем;
- заштита на водотекот;
- правилно функционирање на ПСОВ Кичево.
Специфичната цел на оваа задача е рехабилитација и проширување на канализационата мрежа во општина Кичево, која ќе се спроведува според Условите на договорот по FIDIC („Црвена книга“, издание од 1999 година).
Инвестицискиот проект за собирање на канализациски води во општина Кичево ќе биде во општина Кичево и ќе послужи за дополнителен капацитет од 16.000 ЕЖ,изградба на нов канализациски систем во должина од приближно 69 km, изградба на колектори во должина од приближно 27 km, изградба на пумпни станици, рехабилитација на канализациски систем во должина од 8,24 km, изградба на приближно 4,633 шахти и приклучоци за домаќинствата.